2.7 Creag a’ Choin
A rèir beul-aithris, a chiad turas a thàinig Calum Cille gu eilean Thoraigh, choinnich e ris an rìgh ionadail, Oilill agus dhiùlt an rìgh dha a thighinn air tìr. Dh’fhaighnich Calum Cille dha an toireadh e dha pìos talmhainn nach biodh càil na bu mhotha na meud a chleòca gus am faigheadh e air manachainn a thogail air. Dh’aontaich Oilill ri seo ach an uair a chur Calum Cille a chleòca air an talamh gu mìorbhaileach nach ann a sgaoil e gus an do chòmhdaich e an t-eilean air fad.
Bha an rìgh cho feargach ’s gun do steig e a chù puinnseanta ann an Calum Cille. Rinn Calum Cille soighne na croise agus thug sin air a’ chù leum dhan mhuir gus faighinn air falbh. Mar a bha e a’ leum gu a bhàs, dh’fhàg an cù lorg a spògan ann an creig agus sgolt e creag eile le earball.