Is e seo tobhta tuama a tha dol air ais gu mu 3,000 BC. Bha e air a thogail is air a chleachdadh le tuathanaich a bha a’ fuireach ann an Gleann Chaluim Chille. Tha e ro-Chrìosdail ach tha e air a bhith air a thoirt a-steach do Thuras Chaluim Chille a tha a’ dol tron ghleann.
Thathar a-nis a’ cleachdadh an tuama mar àite-tòiseachaidh an turais. Gu traidiseanta dh’fhaodadh an turas tòiseachadh ann an àite sam bith sa ghleann ach bhathar an còmhnaidh a’ leantainn an t-aon òrdugh. Thòisicheadh na daoine a bha a’ fuireach sa ghleann aig an làrach a b’ fhaisg air an dachaigh fhèin. Bhithte a’ toirt aoigheachd do na taistealaich a bhiodh air an turas anns na dachaighean ionadail agus bhithte a’ toirt dhaibh cuireadh am brògan fhàgail annta fhad ’s a bhiodh iad a’ dol air an turas air an casan liormach.
Aig an stad seo, bhiodh na taistealaich a’ cuairteachadh an tuama a’ dol deiseil is ag ùrnaigh.
