‘Luach Dràma: Ceangal cruthachail nan cànan Gàidhlig’ Le Muireann Kelly
Tha Muireann Kelly na Stiùiriche Ealain ri Theatre Gu Leòr ’s i a’ fuireach ann an Glaschu fad bliadhnaichean, ach is as Cathair na Mart, Contae Mhaigh Eo an Éirinn i. ‘S e feart sònraichte Theatre Gu Leòr gum bitear a’ togail a-steach nan cànanan Ceilteach as Èirinn agus a’ Chuimrigh, a bharrachd air a’ Ghàidhlig. ’S e companaidh tèatar stèidhte ann an Glaschu a th’ ann an Theatre Gu Leòr , a bhios a’ leasachadh agus a’ riochdachadh dràma ùr, co-aimseireil sa Ghàidhlig.
San tachartas seo an urram Cholmcille, agus air ceann-là a Fhèill, bidh Muireann Kelly ag innse dhuinn mun bhrosnachadh agus mhac-meanma a thig beò dhi tron Ghàidhlig agus tron Ghaeilge. Bidh cothrom againn bruidhinn rithe mun cheangal eadar an Ghaeilge agus Gàidhlig na hAlban ’s oidhirp ris a’ cheist a fhreagairt: Dè a’ bhuaidh a thig beò an lùib co-obrachadh gu cruthachail ri chèile?
